Como Chegar
Todas as opcións de transporte para chegar a Santiago de Compostela
Non te perdas
Aínda que non sexa unha cidade moi grande, sabemos que chegar a Santiago pode ser complicado. Por iso poñemos esta guía á túa disposición, para que os que vides de fóra teñades un pouco máis fácil o asistir á carreira.
En Coche
Santiago de Compostela está ben conectada por autovía con todas as principais cidades galegas e o resto de España. As principais vías de acceso son:
Desde A Coruña: AP-9 ou N-550 (60 km, ~45 min)
Desde Vigo/Pontevedra: AP-9 (90 km, ~1h)
Desde Lugo/Ourense: A-54 (100 km, ~1h)
Lembra consultar onde aparcar para atopar as mellores zonas de aparcamento preto do evento. E cando remate a carreira, hai un espectáculo que non te podes perder e que, tal vez, poida facerte quedar ata o domingo. Se ese é o teu caso, mira as ofertas en onde durmir.
En Tren
RENFE ofrece moitas posibilidades de chegar en tren, con moita frecuencia nalgunhas liñas.
Santiago ten conexións directas en tren de alta velocidade (AVE) con Madrid, Barcelona, Bilbao e outras cidades. Tamén hai servizos rexionais que conectan con Vigo, A Coruña, Ferrol e Ourense.
Visitar RENFEEstación de Tren
A estación está situada a uns 1 km do casco histórico. Podes chegar ao centro en autobús urbano, taxi ou camiñando (~15 minutos).
En Avión
O Aeroporto de Santiago-Rosalía de Castro está situado a 15 km do centro da cidade.
Autobús (AENA)
Liña: 6A Aeroporto - Santiago
Horario: 06:30-00:30
Frecuencia: Cada 30 minutos en ambas direccións
Prezo: Ida: 1.00€ | Ida e volta: 2.00€
Taxis
Outra opción cómoda para chegar desde o aeroporto é coller un taxi:
Radio Taxi Compostela: +34 981 56 92 92
Parada Taxis Aeroporto: +34 981 59 15 75
Como moverse pola cidade
Santiago é unha cidade relativamente pequena; poderás ir a calquera lado camiñando. Se non, sempre podes coller un bus urbano ou un taxi.
A pé
O casco histórico é peonil e todo está a poucos minutos camiñando. É a mellor forma de descubrir a cidade.
Bus Urbano
A rede de autobuses urbanos conecta todos os barrios. Os billetes pódense comprar no propio autobús ou con tarxeta recargable.
Visitar TUSSA